ഉറക്കത്തിൽ ഭർത്താവിനെ ആക്രമിച്ച യുവതി അറസ്റ്റിൽ. മണിയൂർ തുരാശേരിക്കടവ്പാലത്തിന് സമീപം നെലിനുമമല ദ്വാരക വീട്ടിൽ രതീഷി(48)നെ ആക്രമിച്ച സംഭവത്തിൽ ഭാര്യ ഷൈമയെ (46) പൊലീസ് അറസ്റ്റ് ചെയ്തു.

മേയ് 14നാണ് നാടിനെ ഞെട്ടിച്ച സംഭവം നടന്നതെന്ന് പൊലീസ് പറഞ്ഞു.ഭക്ഷണം കഴിച്ച് കിടപ്പുമുറിയിൽ ഉറങ്ങുകയായിരുന്ന രതീഷിനെ വൈകിട്ട് നാലരയോടെ ഷൈമ ആക്രമിക്കുകയായിരുന്നു. കൈവിലങ്ങിൽ തുടർച്ചയായി മർദിച്ചതിനെ തുടർന്ന് തലയോട്ടിക്ക് ഗുരുതരമായി പരിക്കേറ്റ രതീഷിനെ പിന്നീട് ആശുപത്രിയിൽ പ്രവേശിപ്പിച്ചു. ഇടിയുടെ ആഘാതത്തിൽ തലയോട്ടിയുടെ മുൻഭാഗം തകരുകയും രക്തം കട്ടപിടിക്കുകയും ചെയ്തു. ഇയാളുടെ മുതുകിനും സാരമായി പരിക്കേറ്റിട്ടുണ്ട്. തലയിൽ നാല് കുത്തേറ്റതായി പോലീസ് പറഞ്ഞു.